Við byrjum gönguna við Sauðárkrókskirkju og höldum rakleitt upp á Nafirnar. Þegar upp er komið tekur á móti manni dýrðleg hringskjámynd yfir Skagafjörðinn. Hér hvílir Drangey eins og risavaxið skip á firðinum, og við rifjum upp þjóðsöguna um tröllkonuna sem varð að steini þegar sólin kom upp. Í fjarska blasa Málmey, Þórðarhöfði og tignarlegur Tindastóllinn við, á meðan Mælifellshnjúkurinn vaktar fjörðinn úr suðri.
Leiðin liggur áfram meðfram Nöfunum að gamla vatnshúsinu. Á góðum degi heilsa hestar og kindur okkur í móunum og fuglalífið er iðandi. Á göngunni sjáum við yfir lífshætti Króksara í dag – frá íþróttavellinum þar sem kappið er mikið, yfir stóra vinnustaði og fjölbreytt atvinnulíf, yfir í kirkjugarðinn og golfvöllinn.
Við göngum yfir ána og upp að hliðinu, þar sem við fáum kannski besta sjónarhornið yfir allan fjörðinn.
Skógurinn og Sturlungar
Á leiðinni til baka breytum við um takt og ferðumst inn í Litla-Skóg. Innan um íslenska birkið áum við við skálann þar sem við ræðum um landnámið og hvernig landið leit út þegar fyrstu landnámsmennirnir komu í skógi vaxinn fjörð og Sturlungaöldina og fræðumst um valdabaráttuna og blóðuga sögu héraðsins sem skók Ísland á 13. öld.
Þessi hringur er blanda af hreyfingu, kyrrð og fróðleik. Hvort sem þú ert söguunnandi, ljósmyndari eða einfaldlega að leita að fallegri gönguleið, þá eiga Nafirnar eftir að heilla þig.
Við sérsníðum gönguferðirnar að þörfum þíns hóps, hafðu samband á [email protected] fyrir frekari upplýsingar.